Mae cyfrifoldebau’r Rheolwr Technegol/Dylunydd Goleuo yn cynnwys y canlynol:

 

• Mynychu ymarferion yn ein canolfan ym Mhontypridd i wylio a dysgu’r perfformiad ar gyfer creu cynlluniau goleuo/taflen ciw. 

• Creu cynllun goleuo/taflen ciw ar gyfer y sioe (gan ddefnyddio cynlluniau blaenorol fel canllaw a gweithio gyda’r Cyfarwyddwr Artistig i ddatblygu syniadau). Cydweithio’n agos gyda’n Cyfarwyddwr a’n Peiriannydd Sain ni i drefnu a llogi offer technegol priodol ar gyfer y daith.

• Dyfeisio amserlenni ymarferion technegol ac atodiadau technegol, a chysylltu â thimau technegol mewnol y canolfannau ynghylch amserlenni ac offer mewnol ar gyfer y perfformiadau.

• Trefnu asesiadau risg ar gyfer ymarferion technegol a pherfformiadau.

• Trefnu cludiant ar gyfer set y cynhyrchiad.

• Rheoli’r tîm technegol ar daith (Peiriannydd Sain a thechnegwyr mewnol).

• Rigio a ffocysu’r goleuo yn y canolfannau.

• Rheoli’r ymarferion technegol ac ymarferion gwisg ar daith.

• Goleuo’r perfformiadau ar daith (fel technegydd goleuo).

​

Mae cyfrifoldebau’r Peiriannydd Sain yn cynnwys:

​

• Mynychu ein hymarferion yn ein canolfan ym Mhontypridd i wylio a dysgu’r perfformiad er mwyn creu/dysgu rigiau sain a chynllun sain/taflenni ciw.

• Cydweithredu â’r Rheolwr Technegol/Technegydd Goleuo i sicrhau llwyddiant yr elfennau technegol sy’n berthnasol i’r sain.

• Mae hyn yn cynnwys traciau wedi eu recordio o flaen llaw, cerddoriaeth fyw, a defnyddio mics radio a chlustffonau i alluogi dawnswyr i gyflwyno geiriau llafar yn ystod y perfformiad.

• Gweithio’n agos gyda’r cerddorion i sicrhau bod y cyfnod gosod/cyfnod technegol/gwiriadau sain yn ystod ymarferion yn rhedeg yn esmwyth a didrafferth, a bod y sain yn effeithiol yn ystod y perfformiadau.

• Cysylltu â’r canolfannau ynghylch offer cerdd mewnol a’r cyfnod technegol, a sicrhau bod y Rheolwr Technegol yn derbyn gwybodaeth ynghylch unrhyw offer y mae angen i’r cwmni ei logi.

• Cefnogi a rheoli/datrys unrhyw broblemau a allai godi mewn perthynas â thechnoleg cerdd pan yn teithio i wahanol ganolfannau.

• Defnyddio Q-lab yn ystod perfformiadau ar gyfer traciau cefndir, a rheoli lefelau ac ansawdd sain cerddoriaeth fyw a geiriau llafar yn ystod perfformiadau.

• Ceir cymorth gan dechnegwyr theatr mewnol ar gyfer pob perfformiad ym mhob canolfan.

 

Dyddiadau a Lleoliadau:

Neilltuir un diwrnod ar gyfer cyfarfod cynllunio ac ymweld ag ymarferion (yng nghanolfan y cwmni – YMa, Pontypridd) rhan amser yn ystod pythefnos olaf Ionawr 2027 (i’w drefnu yn ôl argaeledd ac amserlenni ymarferion).

​

Wythnos Gynhyrchu: Dydd Iau 28 Ionawr, mynychu ymarferion yn YMa, Pontypridd.

​

Dydd Llun 1 Chwefror i ddydd Iau 4 Chwefror (perfformiad premiere) yn Sefydliad y Glowyr Coed Duon.

 

Dyddiadau’r Daith (Gwanwyn 2027)

Mae gan bob canolfan un dyddiad perfformio. Yna caiff rhai canolfannau 2 ddiwrnod o gyfnod gosod/ymarferion a chaiff eraill 1 diwrnod o gyfnod gosod/ymarferion o flaen llaw:

• Dydd Mawrth 16 i ddydd Iau 18 Chwefror: Theatr Stiwt, Rhosllannerchrugog (ger

• Wrecsam)

• Dydd Mawrth 23 Chwefror i ddydd Iau 25 Chwefror: Theatr Soar, Merthyr

• Dydd Mawrth 2 Mawrth i ddydd Iau 4 Mawrth: Theatr Ffwrnes, Llanelli

• Dydd Llun 8 Mawrth i ddydd Mawrth 9 Mawrth: Malvern Theatres

• Dydd Mercher 17 Mawrth i ddydd Iau 18 Mawrth: Canolfan y Celfyddydau, Y Barri

 

Ffi:

Rheolwr Technegol/Technegydd Goleuo yn seiliedig ar £750 yr wythnos (wythnos gynhyrchu) a £225 cyfradd dyddiol (dyddiau ar daith mewn theatrau). Cyfanswm y contract: £3,900.

​

Peiriannydd Sain yn seiliedig ar £631 yr wythnos (wythnos gynhyrchu) a £180 cyfradd dyddiol (dyddiau ar daith mewn theatrau). Cyfanswm y contract: £3,151.

​

Yn ogystal, darperir costau teithio, llety a per diems ar gyfer canolfannau’r daith.

​

Rhoddir croeso arbennig i geisiadau gan y rhai sy’n teimlo eu bod yn cael eu tan-gynrychioli yn y diwydiant, yn cynnwys pobl anabl, siaradwyr Cymraeg, ac aelodau o’r mwyafrif byd-eang.

​

Wrth gyflwyno cais, mae croeso i chi drafod unrhyw gymorth mynediad sydd ei angen arnoch.

​

I wneud cais, gofynnir i chi anfon eich CV a llythyr atodol byr yn nodi pa rôl yr hoffech ymgeisio amdani, a sut byddai eich profiad hyd yma yn eich galluogi i ymgymryd â’r rôl honno i safon uchel, i’r cyfeiriad hwn: info@ransackdance.co.uk

​

Mae croeso hefyd i chi ddefnyddio’r cyfeiriad ebost hwn i gysylltu gydag unrhyw gwestiwn cyn cyflwyno cais.

 

Dyddiad olaf i gyflwyno cais: Dydd Mawrth 30 Mehefin 5yp.

​